Aji kali United States Special Operations Forces toh Indian National Security Guard (NSG) logode melikena training loi ase. Wednesday din Hyderabad deh US Consulate para kowah toh, 1st Battalion, out of Okinawa, Japan toh training deh hesha ase. IANS logode kowah toh, exercise toh Tuesday para suru hoise aro etu toh April 5 direk deh kothom hobole ase.
Training toh Ibrahimpatnam jaga laga NSG Southern Regional Centre deh loi ase. Etu training para tuita side laga sepai logode ekta ekta logode buchi kena, ekta ekta laga technique jani kena aro public health aro safety nemide ekta ekta logode motob kuribole ase koise.
New Delhi deh US Embassy aro Hawaii jaga laga Camp H.M Smith para training deh saijabole ase. US Consul General Katherine Hadda para kowah toh, US-India security partnership toh gara hoi ase aro gara hoi thakibole ase.
Hadda para kowah toh, Hyderabad deh etu Secial Force exercise para tuita desh toh agae loi jabo aro tuita desh logode sabha sabhi motob debo. Etu training toh US military para Indo-Pacific region deh kunbah desh juni kena US Indo-Program laga part hesab deh lowah laga ase. Hyderabad nesana deh US Special Oprations Forces khan training lowah para India logode melikena kaam koribo nemide phal para janibo.
Add Comment