Agencies 7 Spetember: Thursday din US laga Cincinnati city jaga de, ek-jun manu pora bank pethor de hamla kora pora tin-jun moraidese koise. Etu tinta mora de, ek-jun toh India laga manu morise koise. Police pora janaideya hesab de, India manu Pruthviraj Kandepi toh Andhra Pradesh, Guntur district laga ase koise. Tai ke 29-sal Omar Enrique Santa Perez pora fire kora time de moraidese koise. Sandeep Chakravorty pora PTI logode janaideya toh, Consulate toh police, Kandepi’s family aro etu opor de community laga members khan logode touch ase kowah thakise. Telugu Association of North America (TANA) pora kandepin toh bank laga consultant kum kori thaga ase koise. India de death body annibo karni daiyar kori ase koise. Tusara tuita mori kena thaga toh, 48-sal Luis Felipe Calderon, aro 64-sal Richard Newcomer, ase. Cincinnati Police Chief Eliot Isaac laga hesab de, officers khan ke 911 call toh 9.10 am phalli ahha thakise koise. Police khan agae ahhai thaga time de bondukh thuri kena thaga manu pora besi par goli mara thakise aro tai toh etu jaga de-he morija thakise koise. Isaac pora kowah hesab de, etu manu ke pistol aro 200 opor goli thakise koise. Aro etu bondukh thuri kena thaga namu toh bank laga manu nahoi koise.
Add Comment