US College aro Indian company para Vaccine bonabo

Houston: August 28, 2020. Coronavirus bemar bhal hoboli nemite, Texas-based Baylor College of Medicine (BCM) para licensing agreement loikena Indian pharmaceutical company Biological E Limited (BE) logot melikena safe, bhal aro sosta vaccine bonaboli koishe. BCM, Hyderabad-headquartered BE para COVID-19 vaccine candidate toh Baylor te bonaboli licenced loishe koishe. Company toh BCM team aro Baylor’s technology logot kotha kurikena licence olaikena etai Duniyaa te bemari thaka laga vaccine ola toh junai thisboli koishe. India te coronavirus bemari cases toh 33,87,500 hoikena ase aro 61,529 oper manuh khan morikena ase. Wtu samay United States te sobse besi hoikena 5,869,000 bemari cases oper te manuh be 180,800 morikena ase koishe. Hotez aro tai laga sati khan para koishe ke, SARs aro  MERS vaccine toh boila para bonaikena ahiase. “etu beche ami khan COVID-19 kotha honishe. Ami khan para saa hesab te etu virus aro dosura bemar laga virus toh eke neshina ase keli koile boila para vaccine bonai ahiase” koikena Hotez para janai thishe aro tai toh Texas Children’s Centre for Vaccine Development laga be co-director ase. Hotez aro tai laga team khan para jolti hoikena COVID-19 vaccine toh bonabo, aro etu oper te India laga tangor vaccine bona khan ke melikena bonaboli koishe. “India para vaccine laga billion tawai nonaboli pareh aro ami khan melaikena Baylor College of Medicine te bonaishe”. India te vaccine toh trail jaiase aro ami khan para besas ase ke aha saal neshina te toh vaccine toh olabo.“judi vaccine toh bhal para olaboli pareshe koile, ami khan besas ase ke, hundred million tawai neshina toh hotai saal olabo” koikena BioE Holdings Inc laga director, Narnder Dev Mantena para koishe aro tai toh BE’s novel vaccine laga kam kora te head be ase.