April 16, 2024: Indian-American Congressmen Shri Thanedar para United States deh Hindu temples laka against hamla hua karne, law enforcement agencies kan phat action lubo lakeh kui shae. Tai, Monday din deh Hindu community lokot deh kotha kura time deh kui shae.
Hindu community laka pitor deh bui ase kui nah kotha kuta time deh, Congressman para etu kui shae: “Local law enforcement kan recent attacks investigate kuri bole action eman b lua nai.”
Agae deh Shri Thanedar para House of Representatives deh ekta resolution introduce kuri shae Hinduphobia laka against. Tai para community laka against anti-Hindu bigotry, hate aro intolerance condemn kuri shae. Resolution tho House Committee on Oversight aro Accountability keh refer kuri nah ase.
“United States laka jaka deh Hindu temples laka against mukan hamla kan bishi hua diki shae aro aji khali aro bishi diki ase. Itia mukan laka time ase support bisari bole. Bui ase. Hindi communities kan bui laka pitor deh ase. Aro mukan dika laka isap deh, local law enforcement kan action bishi lua nai etu laka against. Mukan eku suspects, arrest nahoileh b issues deh eku resolution kan dika nai,” tai para kui shae.
Congressman Thanedar para etu aro kui shae: “Utu hamla para Indian-Amercian community pitor deh bui bishi banai di shae aro misinformation kan b bishi spread hui nah ase. Etu karne etu resolution laka purpose tho Congress aro Biden administration laka attention deh ani bole karne ase.”
Add Comment