JUL 07, 2021 :Biden bara koishe ki aji kali doh Covid-19 laka cases de manu mura komdi hoishe aro edu cases doh 90% bara January bara komdi hoishe kuishe. Tai koishe ki fully vaccination lua sop Americans khan edia doh beshu baha bara coronavirus nahia time de keneka thakeshe eneka thake ase koishe. US President Joe Biden bara Tuesday de koishe ki edu moina laka last tak de 160 million manu sop full vaccination dibo aro koishe ki edu country de virus harai jabole beshi osor de ase koishe. Aji Covid-19 team bara khopor ba hisap de 150 days de 300 million shots ,hath de deshe koishe. 182 million American edia tak de first shot doh loishe koishe. 90% khan seniors aro 70% khan adults ase, Biden koishe.
Biden koishe businesses khan khule ase aro economic growth bhi edia highest de ase koishe. Sopse kushi khopor doh edu ase ki virus doh khodom hople ase aro America khan khurai ah ease. Ami khan sop eke loko wapas ahe ase koishe.
Biden koishe ki Delta Variant doh aro beshi problem ekda ase ,aro half cases khan sob edu Delta variant karne ase koishe. Aro koishe ki edu variant doh beshi sosta bara laki jai aro beshi khadarnak ase koishe. President koishe ki good news ase ki vaccination doh beshi effective ase aro, edia tak de full vaccination lua Americans khan beshi protection ase aro Delta variant bara bhi bajai dibo koishe.
