New York, 2 September: India manu US de two information technology companies de CEO karni kum kori thaga visa-fraud pora arrest hoise. Tai fake document H-1B nesana de fraud kora pora arrest howah ase. Seattle airport de international flight pora pongja bechide 49-sal Pradyumna Kumar Samal ke custody de loi-jai kena ase. United States pora Mr Samal polai jaa bechide visa-fraud scheme toh April 2018 de complaint kora thakise. Etu bechide investigation toh jai thaga ase. Tai etu hapta arrest na-howah agae de desh pora pahar thaga ase. 2015 de investigation suru howah hesab de, Mr Samal toh Bellevue jaga de Divensi aro ‘Azimetry’ de Chief Executive Officer karni thakise koise. Etu tuita companies pora be information-technology workers deya laga companies thakise. Mr Samal pora tai laga employees logode fake application toh United States Government logode debole kowah thakise koise. Hoilebe tuita companies pora be etu deh nama thakise koise. Etu fake application de 200 workers nesana Mr Samal’s laga companies logode visa filings koribo karni USD 5,000 debole olai thakise koise. Visa Fraud de 10-sal tak saja ase aro USD 250,000 fine ase.
US de India manu visa fraud pora arrest hoise
Add Comment