US, 8 January : US Defense Secretary Lloyd Austin ke jaa haafta ajanak hospitalise kueia karoney ekta row ulaishey Department of Defense para itu khobor nakuria karoney kitia Washington toh ekta growing crisis samna kuri asey Middle East dey.
Juti Mr Austin ke January 1 dey hospitalise kurishey tai kunwa complications samna kuria piche deg jaa par medical procedure karoney, itu Pentagon para ekta statement issue kurishey itu development laga khali January 6 laga shaam dey.
“Austin ke Walter Reed National Military Medical Center dey admit kueishey January 1 laga shaam dey complications karoney ekta recent elective medical procedure piche dey,” Pentagon Press Secretary Major General Pat Ryder kuishey, itu nature upar dey details dianai aro complications laga severity aro tai kiman deri buhibo, eku kuanai. “Tai bhaal para recover kuri asey aro tai laga pura kaam wapis kuriboley expect kuri asey,” Tai halishey.
Juti Mr Ryder kuishey ki US secretary laga deputy Kathleen Hicks toh takeover kuriboley taiyar thakishey “sob time dey, ekta senior defense official para The Associated Press ke kuishey ki tai toh hospitalisation laga jaani thakianai, khali four din piche dey jaanishey.
Ms Hick, kun Puerto Rico dey ekta chuti dey thakishey, Congress ke pathawoley statement taiyar kurishey aro Washington dey wapis ahiboley plans panaishey, itu official kuishey. Ekta Defense Department spokesperson para news agency AFP ke kuishey ki itu deputy secretary para “routine faisla” panaishey Mr Austin karoney.
Huilewi, Mr Austin para responsibility luishey itu khobor deri para janai dia karoney. “Mui jaani asey ki mui itu logot bhaal wala kaam kuribo pari thakishey ensure kurina ki public ke thik khobor janai diwo lagey. Mui itu logot bhaal kuriboley commit kuri asey,” tai kusihey.
Washington toh itia Middle East dey tension uthia dikhi asey kitia itu Israel-Hamas war toh chari asey, kitia Iran-backed Houthi toh Yemen dey hotai rebel kuri asey “Pro-Israel” ships ke strike kurina Red Sea dey kitia US troops toh Iraq aro Syria dey ladai kuri asey.
Add Comment