Boston, 14 December : Ekta retire huina thakia fertility doctor, Boston para, ekta mahina para sue kuri asey kun kuisheh ki tai para nijor laga sperm julaishey taike impregnate kuriboley 40 saal agey dey, The Guardian report kurishey. Ekta civil claim hisab dey kuntu US district court Boston dey file kurishey Wednesday dey, Dr. Merle Berger, Boston IVF laga ekta founder aeo ekta former professor, Harvard Medical School dey, Sarah Depoia kuina ekta patient ke lukaina impregnate kurishey.
Mrs Depoian samjaishey ki tai aro tai laga mota Dr. Merle Berger ke 1980 dey jaishey pregnant huwoley motut karney. Dr Berger kuishey itu sperm toh ekta anonymous donor logot para ahiwo ”kun tai laga mota nishna asey, kun taike najaney, aro kunke tai najaney.”
Huilewi, Mrs Depoian para kui asey itu Doctor para nijor laga sperm chulaishey aro taike impregnate kurishey. Tai laga maiki bacha, Carolyn Bester, itu insemination karney, January 1981 dey jonum huishey.
Itu saal agey dey, Ms Bester para ekta home DNA test conduct kurishey aro janishey ki Dr Berger toh tai laga biological paap thakishey, lawsuit laga hisab dey. Tai laga DNA matches maju dey Dr Berger laga granddaughter aro second cousin, thakishey Tai kuishey.
Add Comment