United States, November 1 – United States te government shutdown dui month tak chuli thaka karone dangor muskil aru dukha dikhai dishe. Hazar-hazar federal workers khan pay aru food insecurity karone struggle kuri ase, karon taikhan salary band hoi jaishe aru bahut manu khan rasta te khura khura jibon cholai ase.
Report hisap te, government workers khan laga paisa pura khotom hoi jaishe, aru taikhan community pantry aru donation uporte depend kori ase. Bahut important scheme khan joto ki Supplemental Nutrition Assistance Program (SNAP) — juntu 42 million low-income Americans khan ke help kori thake — bhi fund khotom hoi ja bole ase. Dusra program khan, Women, Infants and Children (WIC) aru Head Start, juntu bacha khan laga nutrition aru education support kori thake, bhi bandh hoi jabo pare.
Shutdown karone public service khan bhi effect hoi jaishe. Air travel te dangor problem ase, karon control tower te staff komti ase, juntu karone flight delay khan barhi jai ase. Economist khan bhi warning dishe ki jodi etu crisis aji thaka motoi choli jaile, economy uporte dangor effect ahibo — consumer spending komti hobo aru government contract khan bandh hoi jabo.
Etu shutdown laga mukh karon hoishe political ladaid — Democrats aru Republicans majote. Democrats khan health insurance aru social welfare program continue rakhibole chahe, kintu Republicans khan koi ase ki taikhan discussion kuribo ke pare jabole government reopen hobo.
Jetiya etu shutdown lamba hoi jai ase, aam public uporte pressure aru dukh barhi jai ase. Salary band, saving khotom, aru government help uncertain thaka karone, US te public khan dangor jujh bisari ase. Jodi political leader khan joldi agreement nakurile, etu shutdown US laga economy aru public trust duita ke bhi hilaide hobo.
Add Comment