January 26, 2024: United States kan para Israel kan lokot deh ekta channel banai shae, etu channel tho Gaza deh hua incident laka jinta deh kotha kuri bole karne ase kuteh civilians kan Israeli military laka hath para jokom kai shae nahoileh muri jai shae, tuita U.S Officials para kui shae Reuters kan keh.
Jua mohina US Secretary of State aro Israel laka war cabinet majo deh ekta meeting taki shae. Etu meeting deh Blinken taila jinta express kuri shae Israel strikes kan laka report ahi taka karne kuteh strikes kan humanitarian sites deh laki jai shae nahoileh civilians kan bishi keh murai di shae. Meeting time deh Blinken para Israel Prime Minister Benjamin Netanyahu, Defense Minister yoav Gallant aro Minister Benny Gantz kan keh Washington kan jani bole lakeh kui shae strikes laka report deh jawab kan. Aro ekta reliable channel mangi shae kuteh United States kan enaka issues Israelis kan lokot hotai utha bole pari bo, ekta U.S official para kui shae. Etu meeting hua piche dehh Channel tho banai lui shae.
Channel para, Washington kan Israelis kan lokot sob incident laka jinta kan uthai taikan lokot deh kuto Israeli laka military campaign mamla deh ase Gaza deh, aro alak ekta U.S Official para kui shae. Israeli kan investigate kureh aro Americans kan keh feedback deh.
Add Comment