United State, 1 April 2025: US khan pra koishey taikhan expect kuri shey ground te sop parties khan Gaza te international humanitarian law lokot comply kuribo. Hoileh b declined kuri shey confirm kuribo leh ki taikhan nijor laka assessment loi ase nanai killing te Israeli military khan pra 15 manu laka- paramedics, civil defence kam kura manu aro ekta UN official. Kicha mura laka opor te huti shey, state department spokeswomen Tammy Bruce pra koishey, Ki ki hoishey Gaza te etu sop Hamas karne hoi ase. UN laka humanitarian agency pra koishey pasta ambulance, ekta fire truck aro ekta UN gari toh pasi jaishey ekta ekta kuri kina March 23 te. Aro 25 bodies paramedics laka milai kina echa b uniform te thaka, jama kuri kina mass grave te dapai dishey.
Israeli military pra koishey taikhan laka troops toh gari opor te fire kuri shey kun agae jai thaki shey suspiciously headlights nahoi leh emergency signals Natha kina. Aro ekta Hamas operative aro alak militants b thaki shey mura manu bitor te. Hoileh b eku comment dibo leh offer kuri kina kiman bodies jama kuri shey aro balu de dapai dishey. International humanitarian law pra civilians khan ke target kura toh mana kureh aro medical personnel laka specific protection nimite koi.
US, Israel laka sopse dangor arms supplier, taikhan b bound ase nijor law pra kun taikhan ke manu kureh nijjor laka hatiyar toh chulabo leh foreign militaries khan pra humanitarian law laka breach te. Jonathan Whittall, UN laka humanitarian agency laka head Gaza te, tai pra koishey mass grave toh emergency light pra marked kuri shey ekta ambulance pra kun toh strike te lagi shey.
Add Comment