United State, 22 May 2025: US khan plane toh accept kuri shey Air Force One fleet nimite intended toh Qatari pra, ekta gift kun toh criticism sparked kuri shey President Trump laka sopse dangor supporters pra b. Chief Pentagon spokesman Sean Parnell pra statement te koishey Wednesday din te, Secretary of defence pra Boeing 747 Qatar pra sop federal rules aro regulations laka accordance te. Plane toh modified kuribo lagibo Air Force One laka hisa nahwa agae te- President laka official mode air transport laka. White House pra insist kureh ki gift toh legal ase. Hoileh b transfer laka announcement toh week agae hwa toh dangor controversy hoi shey. Plane toh gift ase Qatari royal family pra aro $ 400m worth hubo leh estimate ase. White House pra koishey ki nutun plane toh Trump laka presidential library te transfer kuribo tai laka term khotom hoi kina.
Saal time lubo fit hubo leh additional security systems lokot aro upgrades khan kun toh lagibo president ke bhukhi boleh- electromagnetic pulse khan nuclear blast pra withstand kuribo leh ability milai kina, aro refuel hubo leh ura time te b. Mark Cancian, Center for Strategic and International Studies’ Defence aro Security Department lokot ekta senior advisor, koishey enika retrofitting toh aram she $1bn daam tak olai jabo. Transfer toh one week agae te justify kuri kina Trump pra koishey: Taikhan pra moikhan ke gift d ase. President pra aro koishey pagala hubo plane toh mana kuribo leh.
US Constitution khan pra provision ase Emoluments Clause koi kina, Kun toh gift mana kureh public officials ke foreign government pra Congress laka permission nathaki kina. Transfer toh congressional approval panai. President pra argued kuri shey ki plane transfer toh legal ase kileh maneh etu toh US defence department ke d ase. Taike personally dia nahoi.
Add Comment