Agencies, 18 November: Saturday din Syria jaga deh US-led coalition pora Islamic State logode kelaaf korikena hawah pora hamla kora karni 40 jun morise. Etu mora khan majode maike aro bacha khan besi phak mora thakise. Etu khobor toh militants aro kunbah local manu pora janaideya laga ase. Saturdau din Buqan area, Hajin osor deh hawah pora hamla howah ke hotha time deh coaliation’s spokesman pora hamla howah thakise koikena janaise. Hoilebe tai pora civilians khan mora aro jokhom powah nai kowah thakise. Colonel Sean Ryan pora kowah toh, public khan jokhom napabole aro namoribo karni coalition pora ISIS logode thek target pora hamla kora ase. Jaija tui hapta time deh US coalition pora Hajin aro etu area osor deh hawah pora hamla kora karni dozens manu morikena ase koikena Syrian state media pora janaise. Jowah hapta time deh Syrian government pora United Nations logode kelaaf kora thakise. Kelay koile Hajin jaga deh US-led coalition pora Islamic State logode kelaaf korikena 26 civilians moraideya karni.
Add Comment