United States, November 8 – United States te ekta naya rule launch koribo pare, juntu fole diabetes, obesity aru dusra health problem thaka manu khan visa nadibo pare. Hindustan Times report hisap te, U.S. State Department para ekta directive dikhai dishe embassy aru consular officer khan ke, jate applicant laga health condition bhi check koribo lage.
Etu directive te officers khan ke koi ase jate applicant aru tai laga family khan ki U.S. te thaka time te nijor medical treatment afford koribo paribo naki, nai toh government help lagibo naki, etu dekhibo. Diseases juntu mention kora ase—diabetes, heart disease, cancer, respiratory problem, neurological aru mental health condition, aru obesity— juntu high blood pressure, asthma, aru sleep apnea nishena problem kuribo pare.
Pura time, U.S. visa deny kora hoi thakishe communicable disease vaccine na thaka reason te. Kintu etiya naya rule te non-communicable disease bhi include kora ase, juntu long-term care lagibo pare. Immigration experts khan koi ase etu “public charge” clause te base kora ase— juntu hisap te, U.S. para reject koribo pare jodi applicant government assistance upor depend koribo pare.
Critics khan koi ase etu policy discrimination ahibo pare developing country para ahibo manu khan uporte, jate lifestyle-related illness beshi ase. Kunba lawyer khan bhi koi ase etu rule permanent residency apply kora manu khan uporte beshi effect koribo pare.
Etu naya decision U.S. laga stricter immigration policy laga part ase, jate healthcare aru welfare cost komai rakhibo. Jodi etu implement hoi jaile, health condition bhi ekta major factor hobo international travel aru migration decisions te.
Add Comment