New York: Defending champion Naomi Osaka logot single te khiliya mondukh biche te Coco Gauff Sunday te khushi pora US Open te wapas ahise.
15 umar july laga Wimbledon te fourth round tak jaa manu ke 6-3, 6-0 pora 21 umar Japanese world number one Osaka pora Saturday te harai dise.
Gauff Sunday te jam-packed Louis Armstrong Stadium te 17 umar doubles partner Caty McNally logot joipn kuribole wapas ahi kena American Nicole Melichar aro Czech Kveta Peschke ke 6-3, 7-6(9) pora harai dise. “etu manu khan sob yade ahi kena dhakibo koi kena phabna dhakiya nai,” Gauff pora koise. “tai khan toh ektam muja dhakise aro ektam supportive dhakise. Moi laga phabna toh etu pora ektam moi khan ke modot kurise, especially ektam pressure somoy ahiya somoy te.” Gauff pora koise ki tai Saturday rati hotel room te Osaka ke hariya biche te ektam mon biya lagise koise. “Moi match ke olap khusha dhakise,” tai pora koise. “moi gandi dhakise.” Hoile bhi social media te manu khan pora samman diya aro support diya laga message dekhi kena ektam mon tangor aro khushi paise koise.
Gauff koise. “Etu pora moi kena mon tangor kuri dise.”
Gauff aro McNally, jowa sal laga US Open junior champions aro jowa habta tai jun laga pohila WTA title Washington te chitiya duijun etya next te Australian Ashleigh Barty, jowa sal laga half US Open women’s doubles champions aro nuton partner Victoria Azarenka logot khilibo.
Add Comment