New York, 4 September: Tennis te, India laga Yuki Bhambri aru New Zealand laga Michael Venus US Open laga semi-final te reach kori loise. Itu duo Croatian Nikola Mektić aru United States laga Rajeev Ram ke men’s doubles quarter-final te 6-3, 6-7, 6-3 score te harai dise aji subha. Yuki-Michael duo etiya British pair Neal Skupski aru Joe Salisbury logot khelibo, aji pichete.
Men’s singles te, Novak Djokovic semi-final te entry loise Taylor Fritz ke 6-3, 7-5, 3-6, 6-4 score te harai kene, kali quarter-final match te. Serbian star etiya semi-final te Spain laga Carlos Alcaraz logot samna koribo.
Women’s singles te, American Amanda Anisimova ekta dangor upset korina Poland laga Iga Swiatek ke 6-4, 6-3 te harai kene semi-final te place loise. Dusra side te, defending champion Aryna Sabalenka semi-final te jabo play nakori, karon Marketa Vondrousova knee injury karone quarter-final match para withdraw kori dise. Semi-final te Sabalenka United States laga Jessica Pegula logot samna koribo.
Add Comment