New York, 27 August : Renata Zarazua US Open te ekta dangor upset korise juntu te tai Australian Open champion Madison Keys ke harai second round te punchi jaise.
Mexican player etu laga prothom Top 10 jeet korise ekta gruelling match te – 6-7(10), 7-6(3), 7-5 score te No.6 seed Keys ke down kori. Zarazua agota Top 10 player logot choyta attempt te fail kori thakise, kintu etu time career laga best result paise – 3 ghonta 10 minute laga match jeeti, Round 2 te France laga Diane Parry logot rumble book kori loise.
Zarazua, juntu prothom set aru 3-0 te pichhe thakise, hobo para prothom Mexican mahila hoise juntu ekta Grand Slam te Top 10 seed ke harai, Angelica Gavaldon 1995 Australian Open te Jana Novotna ke harai thaka pora. Pichla saal prothom time hoise Zarazua (27 saal laga Mexican) laga career te ki tai sob four Grand Slam singles main draw te kheli loise. Tai laga duita title ase, duita WTA 125 – ekta Charleston te pichla saal, aru 2023 te Montevideo. Tai laga career-high ranking No.51 ase. Zarazua ketiya bhi second round ke cross nakorise; etu bar chance ase juntu time tai Diane Parry logot mukabila koribo, juntu Petra Kvitova ke 6-1, 6-0 te harai loise.
Anyekta match te, Mirra Andreeva Monday rati 2025 US Open te dangor return korise, Louis Armstrong Stadium te Alycia Parks ke lights under harai loise. Andreeva Wimbledon pora matro ekta match kheli thakise ankle injury karone, aru Parks last hafta WTA Monterrey semifinals run kori fresh New York te punchi thakise. Kintu Andreeva steady aru tactical tennis kheli easy te Round 2 te punchi loise – 6-0, 6-1 victory logot.
Andreeva New York te punchile kotia se, Wimbledon te Emma Navarro ke Round of 16 te harai thaka pora, ekta bhi jeet nakorise. Etu saal, tai Dubai aru Indian Wells te back-to-back WTA 1000 titles jeeti loise, aru Roland Garros aru Wimbledon duita Grand Slam te consecutive quarterfinals reach kori loise.
Dusra khel te, Czechia laga two-time major champion Barbora Krejcikova, recently-crowned Montreal winner aru in-form Victoria Mboko (18 saal laga Canadian) ke ekta eye-catching first round women’s singles match te straight sets te harai loise. Eitu clash hoise Mboko laga youthful exuberance aru Krejcikova laga experience majot. Krejcikova juntu 2021 French Open aru 2024 Wimbledon jeeti thakise, 6-3, 6-2 win korise 1 ghonta 23 minute te, aru etu dekhaise ki tai laga recent resurgence sirf ekta lucky break nohoi.
Aru Monday laga anyekta first round match te, France laga Diane Parry former Major winner Petra Kvitova ke 6-1, 6-0 te harai dise, aru 4th seed Jessia Pegula (United States) Egypt laga Sherif Ahmed Abdalaziz ke 6-0, 6-4 te harai loise.
Add Comment