US para 1,000 Chinese visas cancel korishe

September 10, 2020. United States para Chinese nationals khan laga 1,000 visas cancel kori thishe koikena wednesday din te State Department spokeswoman para janai thishe. Trump laga administration para China students aro researchers khan be bondh nemite, keli koile tai khan aro Chinese military linked ase koishe. May 29 darik te, presidential laga statement te, China students aro researchers ke ahiboli bondh korikena ase. Washington koishe ke, konuba  Chinese graduate students aro researchers khan toh China’s military logot melikena ase aro tai khan para khobor chor chor koriase koishe. Wolf para koishe ke, United States para “slave labor saman boba be market pithor te ahiboli mana korishe aro China ke self respect koriboli koishe. State Department spokeswoman koishe, visa oper te kam kora toh  May 29 darik te President Donald Trump para junai deya beche ase. “September 8 dark dak te Department para PRC nationals laga 1,000 visas oper cancel korishe aro etu kam nai” tai koishe. Tai aro koishe ke, etu kam nathaka visa toh “high-risk graduate students aro research scholars” laga ase. United States te ahikena study aro research kora ase, hoilebi hosa laga students aro scholars khan toh soruh hoboli welcome korishe. China para June moina te koishe, U.S para Chinese students khan logot United States te jaboli mana kora toh kelaaf ase aro Washington ke jolti para kotha koikena pujiboli koishe. 360,000 neshina Chinese nationals khan United States study koriase etu nemite U.S colleges khan revenue besi paiase, hoilebi COVID-19 bemari nemite students khan jaboli napareh naa ase koishe.