US para CCP ke travel rules kara korishe

Washington: December 3, 2020. Thursday din Washington para Chinese Communist Party members nemite notun entry hokom janaishe koikena, State Department para kowa toh New York Times para khobor janaishe. Notun policy toh jolti para Wednesday din para hokom toh soruh koribo koishe. Etu samai Communist Party members tai khan laga ghor manuh nemite caps visas toh 1 moina thibo aro kali ek paar desh pithor te ahiboli paribo, khobor para koishe. “10 saal oper, ami khan para Chinese Communist Party khan logot aram para peraboli thishe aro tai khan ke US institutions aro business te be koribo thishe, hoilebi, etu eke kam toh China te US citizens khan logot deya nai”, koikena State Department spokesperson para The Times te janai thishe. Puila te visitor khan ke visas toh 10 saal nemite dey thakishe. Khobor para koishe ke notun restrictions te 270 million manuh logot hokom toh thakibo. Tuita(2) tangor economies desh pithor te tensions besi othiase aro etu oper te tuita(2) desh para be citizens nemite travel restrictions toh othaikena ase koishe. Tuita(2) desh para aro journalist visas restricted korikena ase, Washington te Chinese manuh khan besi hoi ase aro from state-run news te be etu saal United States te manuh besi hoikena ase. March moina te China para koishe, New York Times, Washington Post aro Wall Street Journal para American journalists besi kam para olai thishe koishe. June moina te aro Trump administration khan para notun policy pithor te 1,000 Chinese students laga visas cancel korishe, tai khan para khobor toh chor kora nemite ase koishe. Beijing para Washington logot “political dhuk thiase aro manuh pithor te hesab nai” koikena botnam korishe aro policy para citizens khan bahar te study kora nemite human rights violated korishe koishe.