Frankfurt am Main: July 23, 2020. Wednesday din te German firm BioNTech para koishe ke, United States laga Government para coronavirus laga vaccine100 million doses te $2 billion thiboli manishe. BioNTech para US pharma giant Pfizer, logot melaikena vaccine tuh bonai ase. Statement te koishe ke, American manuh khan tuh ahi din te vaccine tuh ” free” te paboli ase. Etu kotha tuh Trump laga administration khan para “COVID-19 vaccine tuh free para thiboli koikena ase”. Agreement pithor te, joti approve hoile US government para 100 million doses thiboli laga order koikena ase. BioNTech para aro koishe ke, US laga government para 500 million aro extra keniboli koikena ase. Duniyaa te Labs khan tuh vaccine olaikena sobse bemari beya thaka tuh hatabole koriase. BioNTech aro Pfizer laga vaccine candidates tuh kam soruh hobole green light rokiase, tai khan logot 30,000 healthy volunteers para trial koriboli ase, aro etu moina te hobole neshina ase koishe. Kam tu bhal jaa nemite aro approval tuh baile, Pfizer aro BioNTech laga bhapana tuh
2020 saal kotom kora samay 100 million doses bonaboli ase koishe. BioNTech para kowah tuh, etai dak te trials tuh bhal para jai ase aro elach kora samay novel coronavirus ke antibody aro T cell immune laga jawab tuh besi healthy thaki koishe. US, Pfizer aro BioNTech laga agreement pithor te safe thakibo aro etu saal pithor te jolti para vaccine tuh effective hobo koikena US laga health official Alex Azar para janai thishe. BioNTech laga spokeswoman para AFP logot koishe ke, maximum protection nemite tuita(2) injections lage, first injections thikena sat(7) din behcete booster tuh othi koishe. US government para poisa deya tuh, etu bemari nemite manuh ekta(1) ke $39 ase koishe. Oxford University aro AstraZeneca khan be vaccine bonai ase aro tai khan para tawai tuh sosta para thikena, andaz te $2.90 per unit hobole koishe.
Add Comment