DEIR EZZOR, Jan. 19 (MNA) US para lead kora international coalition para airstrike kora te bista civilians murishe aro etu te maiki aro bacha khan bhi thakishe. Etu airstrikes toh Deir Ezzor south-eastern countryside laga Al- Baghouz Foqani bosti te aro tai laga osor Sosep township, al-Boukamal area te hoishe.
Local sources koishe etu ghatna te 20 civilians khan martyr hoishe aro bishi manu khan bhi jokom hoishe. Etu ghatna toh Friday te hoishe.
Sources khan para koishe etu aggression teg dozens families khan ke target kurishe. Etu toh ISIl attankwadi thaka jaga para pulabole kosis kura samay te hoishe.
Sources hesab te mura laga lists toh aro uthibole genika ase. Keli koile jokom huwa te bishi manu khan toh bishi serios ase koishe.
US logote meli kena thaka khan toh samay samay te airstrikes kuri thake aro bishi larai etu jaga khan te hoi thake. Etu toh ISIL attankwadi group khan ke larai kora nimite ase.
Etu toh UN Security Council August 2014 laga jurisdiction bahar te ase. Aro etu toh illegal ase. Tai khan etu ISIL ke larai kura laga naam para kuri ase. Etu coalition para bishi manu khan murai ase. Etu te bishi civilians khan bhi murishe aro bishi manu khan murishe aro bishi manu khan jokom hoishe aro bishi ghor buildings khan bhi biya kuri dishe.
Etu hamla aro manu mura rukhabole Syria khan bar-bar demand kuri ase ke etu opor te serious aro joldi action aro zaruri steps uthabole koishe. Etu toh UN Secretary General aro UNSC President ke bishi letters khan lekhi kena etu kadam khan toh uthaishe.
Add Comment