US Party te gooli para 2 jun morishe : Police

Washington, United States: September 19, 2020. Saturday pujur te  Rochester, New York state te party ekta te mara-mari korikena tui(2) jun manuh morishe aro 14 jun jokom paishe, police para janai thishe. Officers khan para koishe ke, etu chaka osor te “jamila olaishe” 100 manuh neshina alag-alag chaka te bolai thaka thikishe, koikena interim police chief Mark Simmons para reporters khan logot koishe. “sob melaikena 16 manuh ke gooli lakishe. Aro ami junai thibo mon dhukl ase ke, etu 16 jun pithor te tui(2) toh morishe” tai koishe. Tui jun mora pithor te mota ekta aro maiki ekta aro saal toh 18 aro 22 umer ase, aro khobor sob toh paa nai koishe.Jokom kora 14 manuh ke hospital te loikena jaishe, hoilebi eman  serious nahoi koishe. Etai dak te kuan manuh logot be thura nai aro police para gooli mara manuh keman jun thakishe koboli parai nai. Simmons para aro koishe ke, “ami khan manuh pithor te etu kam saboli toh gopal beya aro sorom be ase”.