US, 1 July : Ekta 13-saal mota ke New York laga Utica dey police para golee marina murai dishey, June 28 dey, tai logot ekta replica bandook dhurina thakia piche dey, People Magazine dey ekta report hisab dey. 10 pm phaney, Police Officer Patrick Husnay alag tuita officers logot
milina ekta jagah dey patrol kuri thakishey kutey recently kom se kom tuita chori huishey. Itu cops khan Nyah Mway aro alag mota logot jaishey, kun laga umar bhi 13 thakishey, kun previous robbery laga immediate vicinity dey din laga eki time dey thakishey, ekta June 27 crime laga shaaks laga traits hisab dey, Utica Police Department laga release hisab dey.
Iti tuita teenagers toh authorities para ekta attempted citizen stop laga subject thakishey. Huilewi, itu teen pulai jaishey aro kitia Police para taike frisk kuriboley kosis kurishey tai laga ekta handgun nishna dikhia bandook ulaishey, ekta preliminary khobor hisab dey.
Authorities laga hisab dey, Officer Husnay para itu jawaan ke tai laga duty firearm para golee marishey. Itu 13-saal ke ekta
hospital dey lui jaishey, huilewi, tai jokhum karoney muri jaishey. Utica Police Department para itu ghatna laga bodycam footage aro itu pellet bandook laga pictures bhi release kurishey.
ABC News laga hisab dey, sob three cops ke administrative leaves dey pathai dishey. Agey dey, tai laga maut piche dey ekta vigil organise kurishey. Itu event dey tai laga khantan manu milaina bishi manu attend kurishey.
Add Comment