United State, 1April 2025: Trump administration pra 17 aro alleged gang members ke deport kuri shey El Salvador te, US senate department pra janai dishey. Legal battle hoi kina b kuri shey manu khan ke ola opor te Central American Country’s supermax prison te. US Secretary of State Marco Rubio pra koishey group te Tren de Aragua aro MS-13 gangs laka members khan thaki shey. Salvadoran government officials khan pra BBC ke koishey taikhan Venezuelans aro Salvadorans laka mix b milai shey. Etu month te, court pra halt order kuri shey deportations te kun toh Alien Enemies Act laka under te kuri thai shey. Ekta 1798 law kun toh previously wartime te chulai thaki shey. Hoileh b US media khan administration sources khan cite kuri kina, report kuri shey ki recent deportation toh general immigration law laka under te kuri shey.
Statement te, Rubio pra koishey group te murderers aro rapists khan thaki shey, hoileh nam nahoi leh details khan di nai alleged crimes laka aro convictions khan laka. X te ekta post te, El Salvador president Nayub Bukele pra dramatically edit kura video share kuri shey, tadeh bandi kina manu khan ke plane pra namai thaki shey. Taikhan laka matha taklu kuri shey prisons cells te naphata agae te.
Tai pra likhi shey, etu manu sop toh confirmed murderers aro high-profile offenders khan ase, cheita bacha rapist milai kina. Etu operation toh alak step ase fight te terrorism aro organized crimes against te. president Donald Trump pra message toh repost kuri shey, tai laka predecessor Joe Biden laka administration ke blame kuri shey deportees kan ke US ke allow kura karne aro Bukele ke thanks dishey taikhan bhuibo leh bhal jaka dia nimite.
Add Comment