WASHINGTON: US President Joe Biden para khobor te janaidishe ki sob American troops khan toh Afghanistan para September 11 etu sal te hataidibole nimete etu para desh laga sobse dangor ladai toh khotom kurishe dui sal bithor te.US troops aro forces khan NATO (North Atlantic Treaty Organization) Allies aro operational ara diya toh Afghanistan para diya te ami khan 20th anniversary etu September 11 2001 te hamlaa huwa pichede.etu khobor toh Biden para televised address desh ke koikena janaidiya thakishe White House Wednesday te.
Etu pichede Biden toh Arlington National Cemetery te jaishe American soldiers khan ke saman dibole nimete kun khan Afghanistan war te murishe etu toh 2001 te shuru kurishe etu bi Al Qaeda terrorists based Afghanistan te World Trade Centre New York te hamlaa kura toh.
US aro Taliban khan para ekta landmark deal sign kurishe Doha te February 29 2020 te etu bi war torn Afghanistan te shaanti anibole nimete aro US troops khan ghor te wapas anibole janaiseh America laga sobse dangor war te.
US-Taliban pact doha te sign kura pichede US khan manishe tai khan laa sepai ke hataidibole nimete Afghanistan para 14 moina pichede.etu pichede US-led invasion kuntu para Taliban ke hataidishe September 11 2001 te hamlaa kura pichede America khan para komti hoilebi USD 1 trillion phekaishe ladai aro Afghanistan ke uthabole nimete.komti hoilebi 2,400 US soldiers khan murishe etu logote hazaar nishena manu afghan troops, Taliban insurgents aro Afghan civilians khan thakishe
