President laga position charibole thaka United States President Joe Biden para Friday din te, ekta surprise White House press briefing te bhasan di thaka homoitey confidence para koisey ki judi tai re-election karney khedaisey koiley, tai aro Vice-President Kamala Harris para etya nutun elect huwa President Donald Trump ke haraidibo thakisey.
Biden para president laga race para hatijabole laga tailaga decision opor te vichar kurikina last-minute policies discuss kurisey, kuntu te Russia aro immigration reforms te sanction kora bi shamil asey.
Biden para koisey ki tai etu race para hatijabole faisla luwa tu Democratic Party bhitor te unity(milikina thaka) tu bacchabole nimitey thakisey. Biden para enaka koisey, “ Ami para etu election aro ekbar jitibo paribo koikina lagithakisey koilebi ami para bhabna kurisey ki te etu party ke eksath miliaikina rakha tu hey bhal hobo. United States laga President huwa tu amilaga zindigi te sobsey dangor somman laga kotha thakisey. Hoilebi ami ekta bhak hoikina thaka party ke election haribole dibole laga risk uthabo mon thakanai.”
Vice President Kamala Harris laga jeetibole laga ability te Biden confident thaka laga bawajut, Kamala tu Donald Trump para harijaisey.
Add Comment