US President Donald Trump tu Saturday para suru kurikina Canada aro Mexico ke US te saman patha aro US para saman ana te 25% aro China laga saman khan te 10% tax impose kuribo koikina White House spokesperson Karoline Leavitt para Friday din te koisey.
Leavitt para White House te media ke jankari diya homoitey enaka koisey, “President tu kali(Saturday) para Mexico ke 25%, Canada ke 25% aro China ke 10% tax lobo taikhan para illegal fentanyl(ekta dawai) kina aro amikhan laga desh ke etu distribute kuribole diya nimitey, kuntu para ten million opor American ke moraidisey.”
Ageyte news agency Reuters para koithakisey ki kunba sources para koisey ki Trump para etu tax laga bari te announce kuribo hoilebi etu tax khan luwa tu March 1 taak delay kuribo. Aro kunba imports saman import kora te tax maaf kuridibo. Hoilebi, Leavitt para etu report misa asey koikina tax luwa tu logalog suru hobo koisey. Jitya taikey tax maaf kuridiya laga bari te hudisey, tai enaka jawab disey, “Tax maaf kuridiya laga bari te apnikhan nimitey amilogotey eku jankari aro report nai.”
Leavitt laga announcement para financial market te uch-nich hobole disey. Etu para dollar laga value uthaidisey, khas kurikina Mexican peso aro Canadian dollar laga mukabala te
Trump para etu tax impose kora aro Canada aro Mexico para etu laga jawab te kadam utha para North America laga beypar te $1.6 trillion maan impact kuribo parey. Aro enaka kurikina US, Canada aro Mexico ke 30 years opor jurikina rakha free trade system(beypar kuribole laga azadi) ke pura puri khotom kuridibo.
Add Comment