Washington. August 3. 2020. White House officials para koishe ke, ahiboli US presidential election tuh kotha kura neshina November 3 darik te thakibo. Trump para tuh deri te loboli mon jai thakishe. Sunday din te CBS News logot kotha kura samay White House laga Chief Staff, Mark Meadows para koishe ke, President tuh mail-in ballots laga he kotha koi thakishe aro election tuh deri thakibo nemite idea koishe. “ami khan election tuh November 3 darik te loboli ase aro President para jetibo”, koikena Meadows para CBS news ke kowah Xinhua news agency para janai thishe. Chief of Staff para aro koishe ke, Trump para “election deri thakibole laga eku kotha kowah nai”. Meadows laga kotha tuh presidential campaign adviser Jason Miller para Sunday din Fox News ke koishe ke, “election tuh November 3 darik te loboli ase aro President Trump para be November 3 daril te thakibole mon ase”. July 29 darik din Trump para kowah tuh, eku proff aro evidence nathakina “universal mail-in voting” para November’s vote loboli ase”.. “sobse thik nathaka aro mesa election history te hobo”. Etu tuh USA logot be kushi napa ekta hobo,” Trump koishe. “Election tuh deri kuri thibe, keli koile manuh khan bhal para securely aro safely te vote kuribo???” Hoilebi olop bechete, Trump para koishe ke, election tuh deri loboli mon nai: “ami deri hoi thiboli mon nai. Ami election thakibole mon ase…hoilebi beya election saboli mon nai. Election din tuh Tuesday din te ase aro etu tuh November moina laga first Monday beche te ase koikena federal law para koishe. Top Republicans — Senate Majority Leader Mitch McConnell aro House Minority Leader Kevin McCarthy – tai jun para be idea tuh bgal nai koishe. Etu samay Trump laga sati Senator Lindsay Graham para koishe ke, election dire kura tuh “bhal idea nahoi”.
Add Comment