Washington, 12 July 2025: Democratic Senator Richard Blumenthal ekta notun Russia sanctions bill ke publicly support kuri ase US Senate te, juntu bill India nahoile aru alak country khan ke 500% tariff impose kuribo propose kuri ase— karone, etu country khan Russian oil, natural gas aru petroleum products kini ase.
“Moi aji Rome te ase, juntu jagah te moi European heads of state khan logot bi meeting korise. Moi bishi inspired hoi se tai khan Ukraine laga freedom support karone, Putin laga invasion opppose kuri thaka karone. Aru moi bishi appreciate kori ase tai khan laga gratitude United States karone—ami khan laga Russia sanctions bill karone juntu China aru India opor dangor punishment impose kuri ase, karon ki etu desh duita Russian oil kini kena Putin laga war machine ke fuel di ase,” Blumenthal ekta video te X (Twitter) te koise. Blumenthal, Democratic party laga member, Republican senator Lindsey Graham logot haat milai kena etu bill push kuri ase.
Etu bill—juntu April month te United States Senate te introduce kuri thakise—besi attention paise jitya Trump koise ki tai etu bill consider kuri ase Russia ke pressure dibo karone, jate Ukraine war rukhai dibole negotiation hobo.
Etu proposed legislation ahibo time te, India aru United States duita trade agreement ke negotiate kuri ase, juntu ekta major bilateral trade deal laga base bonabole expected ase.
“Etu bill te dangor problem ki ase koile, Congressional sanctions to existing trade deals opor bhi override kuri bole pare. Etu mane hoise jodi etu pass hoi jaile, US trade negotiators etu to ignore kuri dibo na paribo. India karone hope ase ki jodi ekta mini-deal already thake, tate USTR thik thak flexibility pabo phase two reach kora time te, aru etu extra sanction ke India logot bhi negotiation kuri lobole try koribo,” koi ase Prerna Bountra, Deputy Director, Ananta Aspen Centre, ekta think-tank.
Bountra aru etu bhi koi se: “Hill laga kotha jodi koi, Senate te to etu bill ke 84 co-sponsor ase, kintu House te khali 33. Tate India karone battle to hoile bhi hara nai. Kintu etu uphill climb to ase. India laga diplomats khan ke representatives logot dangor lobbying kuribo lage juntu manu khan to Congress resume hoa age Washington DC te wapas bhi na jabi.”
American media report hisap te, etu bill President Trump ke etu bill laga provision duita country karone waive kuri dibole right dibo—aru etu right tai dui bar exercise kuribo pare, olop time—six month karone.
India laga External Affairs Minister S. Jaishankar koise ki India Embassy Washington te Senator Lindsey Graham logot already contact kori ase jate India laga energy security laga position explain kuri dibo.
Add Comment