US soldier para China keh defense information bikai shae kui nah guilty plead kuri shae

August 14, 2024: Tuesday din deh ekta US Army Intelligence para tai, China keh sensitive defense information bikai shae kui nah guilty plead kuri shae. Share kura information deh US weapons system, military tactics aro strategy laka document kan taki shae. Sergeant Korbein Schults, kun ekta top secret security clearance taki shae, tai keh March mohina deh arrest kuri shae, Fort Campbell deh. National defense information disclose aro obtain kuri bole, license nataki nah defense articles lokot deh related taka technical data export kuri bole conspire kan kuri shae kui nah charges deh guilty plead kuri shae. Tai para ekta public official keh b bribe kuri shae kui nah guilty plead kuri shae, Justice Department para ekta statement deh kui shae. Charging documents laka isap deh, Schults para dozen nishi nah sensitive military documents kan Hong Kong deh taka ekta manu keh bikai shae, kun Chinese government lokot deh associate ase kui nah biswas ase. Tai $42,000 di shae, information karne, Justice Department isap deh.