US: Taiwan ke $600M para Drones bekabo manishe

Washington: November 4, 2020. United States para Taiwan logot 4 armed armed MQ-9 Reaper drones bekaboli manishe koikena Tuesday din State Department para junai thishe. Island toh China para pachibo nemite. State Department para koishe ke, “$600 million Taiwan para kena toh armed forces modernize hoikena defense lobo paribo”.Etu para aro desh te political stability aro military balance thakibo, department para statement te koishe. Saman beka te 4 drones, ground stations, aro associated surveillance aro communications equipment ase, hoilebi bombs aro missiles toh nai koishe. Taiwan para olop hafta agae te $4.2 billion junaishe aro drones kina toh etu pithor te ase aro potent Harpoon anti-ship missiles, air-launched SLAM-ER cruise missiles, air reconnaissance technology aro mobile light rocket launchers be thakibo. Taiwan etu kena nemite Beijing khan kosa hoishe, keli koile Taiwan toh mainland China para alag hoikena jaa ase. China military para olop agae moina te Taiwan chaka te ahikena aircraft aro airspace island osor te ori thakishe. US military khan para etu Reapers toh choise aro etu General Atomics para bonaishe. US para Middle East aro Afghanistan te jihadists khan logot etu para hamla kori koishe. Etu beka toh first ase US government para july moina te 1987 Missile Technology Control Regime para olaijaboli, etu samai 35 countries khan para saman beka bondh koribo. Etu fesla toh medium-speed drones Reaper neshina, agreement te blocked hoikena thaka bekabo manibo nemite.