Washington, 09 April: President Donald Trump koise, aji kali US te komti hoilebe 10 drugs toh clinical trial te ase. Etu toh hoile joldi pheli thaka coronavirus pandemic nemide therapeutic solution pabole laga part hisaab te ase.
Dawai nohoile drug nathaka nemide duniya te novel coronavirus para 88,500 opor jevaan loise aro 1.5 million olob naponjikena manu ke infect korise. United States ekala te 4.3 lakh infections aro 14,700 fatalities hisaab hoise.
Wednesday din Trump para tai laga daily coronavirus news conference lowah time te reporters ke koise, “American industry para motob kuribole steps lowah te America laga doctors aro scientists be ase. Ten drugs toh etiya clinical trials te ase aro ami laga administration toh notun therapies bonabole aro deri nakorikena elach kuribole nemide actions loi ase”.
Tai koise, “Doctors, lab technicians, companies toh saman logode ahai ase aro ahibole din ektum special aro ektum kaam laga hobole biswas ase”.
Questions hotiya te Vice President Mike Pence koise, US ke toh anti-malarial drug hydroxychloroquine te four alak clinical trials thakise.
US Food and Drug Administration para Hydroxychloroquine toh COVID-19 te elach kuribole para janishe.
Mr Pence koise, “Hydroxychloroquine te study kori thaka nemide jarta alak clinical trials thakibole biswas kori ase”.
Add Comment