Agencies, 07 April: United States laga President Joe Biden para April 6, 2021 te desh laga sob dangor manu khan April 19 para Coronavirus vaccination nemite eligible hobo koise. Dangor manu khan vaccinate koribole direk janaideya toh poila Joe Biden para May 1 deadline kora para tui hapta agae ase.
White House te, President para April 19 para deri nahoi kena US te sob 18 sal para opor khan vaccinate koribole eligible hobo koise. Tai para be confuse kora rules aro restrictions nathakibole koise.
Tai para be desh te senior citizens khan April 19 para sob dangor manu khan vaccinate koribole eligible nahowa agae te nejor para vaccinate koribole koise.
President para tai laga 75 din office te thaka samai 150 million doses of COVID-19 vaccine toh deshe aro 75% of senior citizens para komti hoilebe ekta shot paise koise. Tai para 100 din office te thaka kothom howa samai para 200 million COVID-19 vaccinations hobole bhabona ase koise.
US para tusara desh khan ke vaccine doses debole:
President Jo Biden para tusara desh khan logote COVID-19 vaccine doses toh ektum hosiyar para 2021 laga summer kothom howa bechite debo koise.
Tai para desh te lakiya besi dawai toh ase sob citizens ke care koribole nemite koise aro government para be tusara dukhiya desh khan samai, poisa nahoile expertise nathaka khan ke motob kori ase koise.
Duniya te dawai nathaka tak aro tusara desh khan para infections te control nakora tak ami khan pura safe nai koise.
US te COVID-19 cases othi thaka:
US President para dangor manu khan vaccinate koribole janaideya samai desh te infection toh notun moraideya variants phela logote othi ase koikena hosiyar janaishe. Tai para be besi phak dangor manu khan vaccinate koribole nemite aro besi moina lakibo koise. Etu para manu khan masks lakabole aro social distancing mani thakibole koise.
Add Comment