US te 24 gonda pithor COVID para 2,400 morishe

Washington: November 26, 2020. Wednesday din United States te 24 gonda pithor te Covid-19 bemari para 2,400 manuh morishe, koikena Johns Hopkins University heasb te janaishe. 6 moina pithor te aro Thanksgiving holiday soruh kora beche sobse besi thakishe. 8:30pm (0030 GMT Thursday) desh te Covid bemar para manuh mora toh sob melaikena 262,080 recorded hoishe aro 24 gonda pithor te 2,439 morishe. Etu oper te 200,000 neshina notun cases registered korishe. Thanksgiving agae rati te manuh pera toh komti thaikishe, Americans khan ghor manuh aro sati khan logot pera samai ase. Thursday din toh sobse important desh pura holiday ase. Dosura din te hoile social media te noksa thika toh airports osor te manuh jama korikena hokom toh bhal para manishe. Thursday din nahowa agae te, Los Angeles te officials aro passengers khan toh puila saal logot komti thakishe. US President junai Joe Biden laga hesab te vaccine thiboli te “dhuk” hoishe, etu nemite desh manuh ke bapana koriboli koishe. “etu te tangor besas ase, roki thakibe. Tui khan nejor ke surrender nakoribe,” koikena Biden para TV te Thanksgiving kotha junai thishe. “tui khan laga jeevan toh wabas paijabo. Jeevan toh aro normal te ahibo, aro etu hobo. Etu samai toh hotai nemite nahoi.”