US te COVID para 280,000 morikena ase

December 6, 2020. United States te COVID-19 para manuh mora toh 280,000, oper hoishe,koikena Johns Hopkins University te Center for Systems Science aro Engineering (CSSE) para janaishe. Aro bemari cases toh Saturday din dak te 280,090 hoikena ase, etu khobor toh CSSE data hesab te Xinhua news agency para koishe. New York State te 34,853 manuh morikena ase, United States pithor te sobse besi ase. Texas te manuh mora toh 2nd besi te 22,825 ase. California, Florida aro New Jersey states te 17,000 oper manuh morikena ase koikena CSSE tally para janaishe. States te 10,000 oper morikena thaka toh Pennsylvania, Massachusetts aro Michigan te ase. United States toh duniyaa pura te sobse beya aro oper cases ase. Duniyaa pura te manuh mora toh US te 18 percent ase. December] 1 darik te United States te COVID-19 para manuh mora toh 270,000 hoishe. Jaa 4 din pithor te US te manuh mora toh sobse oper 2,500 neshina mori thakishe. Thursday din te sob melaikena 2,879 manuh morishe, ek din pithor te sobse besi mora ase, koikena CSSE data para janaishe. Friday din te COVID tracking project hesab te United States te hospital te manuh admitted kora toh 101,276 manuh thakishe. Etu oper te Friday din te 227,885 notun cases khobor paishe. University of Washington te Institute for Health Metrics and Evaluation para updated kora hesab te April 1, 2021 saal dak te United States te COVID-19 para manuh mora toh 538,893 hobo koikena janaishe.