Usyk para Fury keh harai nah first undisputed heavyweight champion hui shae 24 sal deh

May 19, 2024: Oleksandr Usyk, tai heavyweight division deh jah piche deh sob opponent lokot deh katha, halka aro bura taki shae. Usyk laka mun aro skills tho bishi dangor ase aro tai Tyson Fury laka against ekta dangor size disadvantage par kuri nah, duni laka first undisputed heavyweight boxing champion hui shae, 24 sal deh. Usyk para Fury keh harai di shae, Sunday din laka split decision deh. Tai para ninth round deh, taila hulking opponent keh girai di shae aro tuita scoreboard deh ekta narrow win earn kuri shae. 37 sal laka Ukrainian, tai tho sob major title belt duri bole first heavyweight ase, Lennox Lewis piche deh. Usyk (22-0) para Fury laka title tho, nijor laka WBA, IBF aro WBO deh dali shae. Tuita judges para Usyk keh favor kuri shae, 115-112 aro 114-113. Third judge para tho Fury keh di shae, 114-113. “Bhal time ase, bhal din ase,” Usyk para kui shae. Tai tho Fury lokot deh 6 inches katha ase aro etu hapta 30 pounds halka weigh kuri shae. Usyk tho phat shuru hui shae, hoile b survive kuri bole laki jai shae. Confident aro charismatic Fury tho middle rounds kan dominate kuri taki shae. Usyk, tai final rounds deh agae ahi jai shae. Tai ekta dominant eight deh control lui shae aro ninth deh olop para Fury keh rukai dia nai. “Muika team keh bishi thanks. Etu tho mui karne ekta dangor opportunity ase, muila kandan aro muila country karne, Slava Ukraini!,” tai para kui shae.