Uttar Pradesh: Double decker sleeper bus crash hua tho tui jun muri jai shae

July 11, 2024: Uttar Pradesh laka Hathras jaka deh, ekta double decker sleeper bus, ekta truck lokot deh crash hui shae. Crash hui jah tho kom seh kom tuijun muri jai shae aro alak 16 jun jokom kai shae. Accident tho Than Sikandrarao laka Toli bosti osor deh hui shae, district magistrate Ashish Kumar para kui shae. Chief Minister Yogi Adityanath para Hathras incident laka notice tho lui shae aro officials kan keh direct kuri nah ase, jokom kah manu kan keh bhal para treat kuri b kui nah, Chief minister laka office para aha official statement para kui shae.  Bus tho roadside deh park kuri nah taka truck laka pichae deh lakai di shae. Etu accident tho bus driver laka careless karne ase . Etu accident para tuijun keh murai di shae aro alak 16 jun keh jokom kuri di shae, Ashish Kumar para kui shae. Kobor tho pah piche deh, Hathras Superintendent of Police (SP) Nipun Aggarwal, police officials kan lokot deh phat crash hua jaka deh jai shae aro ekta rescue operation conduct kuri shae. Jokom kah manu keh tho ekta hospital deh admit kuri di shae. Yogi Adityanath para manu mura karne taila duk express kuri shae. Tai para officials kan keh direct kuri nah ase, rescue task tho phat accelerate kuri b kui nah.