Uttar Pradesh laga 75 district te curfew hataishe

New Delhi: Uttar Pradesh te Yogi Adityanath government para sob 75 districts te curfew thaka toh hataishe koishe. Additional Chief Secretary (ACS) Information, Navneet Sehgal para statement te koishe ke, Tuesday pujur te curfew restrictions toh jaga sob te 7 pm para 7 am dak thakibo. District sob te bemari active cases toh 600 neji te hoishe. 24 gonda pithor kali 797 notun cases paishe,” tai koishe. Districts sob te restrictions hataishe, kaloi Lucknow, Meerut, Saharanpur aro Gorakhpur te restrictions toh puila para hataikena ase. Saturday din te state government para aro “corona curfew” toh Bareilly aro Bulandshahr districts te June 7 darik te hatiakena shops aro markets containment zones bahar te thakai toh hafta te 5 paar kuliboli junaikena ase. Uttar Pradesh te 24 gonda pithor COVID-19 bemar para notun manuh mora toh 100 thakishe, etu melaikena state te 21,333 morikena ase aro notun 81 mora khobor ase, koikena Monday din government spokesman para khobor toh janaishe. Sunday din te notun cases toh 727 te lamishe aro melaikena itya bemaro tally toh to 16,99,083 ase, spokesman para koishe. 81 notun manuh mora khobor te Kanpur Nagar para 24 jun thakishe, Gorakhpur te 9, Bareilly te 7, Prayagraj te 5, Meerut te 5 aro Saharanpur aro Mathura te 3 aro Lucknow, Lakhimpur Kheri, Jhansi, Deoria, Agra aro Mau te 2 mora khobor ase. Muzaffarnagar, Varanasi, Bulandshahr, Kushinagar, Gautam Buddh Nagar, Jaunpur, Hapur, Mainpuri, Amroha, Pratagarh, Balrampur, Jalaun, Ballia aro Hamirpur te 1 mora khobor ase, koikena health department bulletin hesab te khobor toh janaishe. 727 notun cases pithor te Lucknow te 53 cases, Kanpur Nagar te 38, Gautam Buddh Nagar aro Lakhimpur Kheri te 38, Meerut aro dosura jaga te 31 cases thakishe koishe. 24 gonda pithor state  te 2,860 COVID-19 bemar manuh khan bhal hoikena discharge hoishe, etu melaikena  itya dak 16,62,069 manuh bemar bhal hoikena ase.