July 22, 2020 : Muzafar Nagar of Uttar Pradesh laga ekta math(religious place nohoile temple ) nishena para dosta nishena bacha ke bachaishe.
Nilima Ghosh, Tripura Commission for Protection for Child Rights (TCPCR). Koise ki Four Kanchanpur Tripura aro six Mamit district Mizoram, para ase.
Tai koishe etu bacha ke Uttar Pradesh laga police para olop din akhe te bachaishe.tai khan etia shelter home te ase.
Etia nimete kunba legal procedures khan rukhi kena ase aro matters khan sort out nohoa akhe te etu bacha khan ke tai khan laga jaka te anidibo.
Nilima Ghosh koishe etu math laga malik para etu bacha khan ke tai khan laga ama baba khan laga haath para olaishe aro tai khan ke education aro kaam dibole nimete.
Aro bi khobor te janaishe ki etu bacha khan kun khan ke aath sal nohoile toh 15 sal majhotte ase.
Khali ekta mota bacha toh 18 sal ase. Aro confirmed kurishe bacha ke bachai diya toh math malik kuntu toh ekt a religious guru thaka para sexually assault kurishe.
Etu alleged guru kun ke thurishe tai laga naam toh Bhakti Bhusen Gobinda Maharaj ase.tai laga associate Akhilesh Das ke bi thurishe.
National Commission for protection of Child Rights (NCPCR) ke bi etu chamela laga khobor dishe.
Tai khan Tripura, Mizoram and Uttar Pradesh chapter logote meeting loishe .etu virtual meeting te Nilima Ghosh bi ahise.
NCPCR para koishe etu Maharaj aro tai laga associate para bacha khan ke drugs dikena aro tai khan ke porn clips dikhaikena sexual assault kurishe.
Nilima Ghosh koishe dui sal akhe te Tripura laga 18 bacha khan ke Bihar para bachishe.
Add Comment