Uttarakhand Cop para MLA ke fine kora nemite transferred

Dehradun:  te Police sub-inspector ek jun Uttarakhand’s Mussoorie te posting thaka toh transfer kori thishe koishe. Olop din akhe etu police para MLA ekta ke COVID-19 hoshari neum namana nemite fined korishe. Ekta legislator oper te fined kora nemite tai ke transfer korishe. Jowa Sunday din, video clip ekta social media te Roorkee MLA Pradeep Batra para etu police sub-inspector fine kora nemite poisa pelaikena jowa thikishe. Mussoorie te lockdown thaka samai MLA aro tai laga ghor manuh mask nalakai naa perai thaka nemite rokaishe koishe. Thursday din sub-inspector, Neerak Kathait ke Kalsi te transferred thishe, etu jaga toh Dehradun para 40 km neshina jaikena ase, koikena khobor toh Mussoorie Circle Officer Narendra Pant para janaishe. Video te sub-inspector para MLA logot kotha kora thikishe, hesab te tai para MLA ke jena nai. Police para kowa kotha ‘Mr Batra toh 500 fine thibo lakibo’ kowa toh be honishe koishe. Etu nemite MLA kosa hoikena officer logot poisa toh pelaishe koishe. Officer ke transfer kora khobor toh honikena local khan para koishe ke, duty kora nemite sajai thishe. Mussoorie Traders Association (MTA) para Chief Minister Tirath Singh Rawat logot memorandum be submitted korishe aro CM logot etu kam te saikena SI transfer kora toh rokaboli janaishe. “legislator para kanon beya korishe. Sub-inspector para tai laga kam korishe etu nemite tai ke saman koriboli nahoikena olta sajai thishe,” koikena MTA president Rajat Aggarwal para koishe. Mussoorie unit Congress president para government logot Kathait laga transfer toh hataboli koishe, nahoile protest jaboli janaishe. Circle Officer Pant para koishe ke, Kathait toh Mussoorie te thakina tin(3) saal ponchise aro tai laga transfer jaboli baki thaka ase koishe.