Uttarakhand flood te 10 jun morishe, 400 jun othaishe

Dehradun, New Delhi : Chamoli district Niti Valley osor te glacier putai te 10  jun manuh morishe. Army khan para 400 manuh neshina ke pachaishe. Uttarakhand Police para koishe, mosom beya howa nemite rescue operations thik-tari hoishe aro  8 jun ke napaina ase. Saturday din statement te Army para koishe,  Friday 4 pm samai Sumna  para 4 km jaikena Sumna-Rimkhim rasta te ajanak te flood toh ahishe koishe, etu jaga toh 90 km neshina Joshimath para jaikena ase aro etu jaga te 5 din akhe para paani aro snow besi keri thakishe. Etu osor te BRO kam kora te tuita(2) labour camp rasta bona manuh ase aro Army camp osor te ase, koikena Army para janaishe. Rescue operation samai, Friday rathi te kali 55 manuh ke 1^st batch te aniboli parishe, Army para koishe. Operation toh rathi dak thakishe aro GREF (General Reserve Engineer Force) laga 150 manuh khan BRO camp te pasikena thaka toh othaishe. Etu beche aro 4 round neshina kam kora te manuh khan ke othaishe. Army para aro Saturday pujur te 93 manuh ke din dak te othaishe. Army para koishe, 4-5 jaga te rastha toh landslides besi aha nemite rastha nai aro Joshimath laga Border Roads Task Force teams khan para Bhapkund aro Sumna jaga dak rastha toh clear kori thakishe. Saturday din Chief Minister Tirath Singh Rawat para jaga toh aerial para saishe aro itya kori thaka rescue operations toh bhal wala koriboli Army officers, BRO, NDRF aro district administration para motob thiboli janaishe. Rawat para koishe ke, BRO 400 manuh neshina Sumna jaga te kam kori ase. CM para koishe, Ghaziabad te NDRF logot be alert mode te rakishe. “ami hotai samai district administration aro BRO logot khobor loi ase,” Rawat para koishe. Home Minister Amit Shah para be Uttarakhand logot pura motob thiboli junaishe.