April 29, 2024: Alak alak jaka deh jui tho control deh rakhi nah b, Uttarakhand deh taka forest firefighting operation tho second consecutive din karne continue kuri ase Sunday din deh. Hill state deh situation tho itia b bia deh ase. Last 24 hours deh atha nutun jui shuru hui shae kuto karne ekta extensive firefighting operation kuri bo laki jai shae. Indian Air Force (IAF) helicopter kan para etu operation keh motot kuri ase.
Kumoan region, particularly Nainital district tho forest fire karne ekta hotspot hui jai shae. Nainital district laka teetha jaka deh jui kan aha shuru hui shae aro Champawat, Almora, Pithoragarh aro Bageswar jaka deh ekta ekta jui olai shae.
Atha nutun jui kuto Saturday in deh olai shae, etu jui kan para 11.75 hectares julai di shae. November 2023 para shuru kuir nah itia tak, 606 fires para 735.815 hectares laka forest land julai di shae. Forest keh julai dia karne teetha manu keh arrest kuri di shae Rudraprayag district deh, forest department para X deh share kuri shae.
Garwah forest division deh pastha manu keh duri nah ase, Khirsu laka Reserved forest keh jula bole koshish kura karne. Taikan keh Indian Forest Act laka relevant section pitor deh book kuri nah ase.
Add Comment