Uttarakhand: All India Institute of Medical Sciences (AIIMS) Rishikesh te black fungus nahoile Mucormycosis para manuh moro 1st khobor paishe, koikena Monday din AIIMS PRO para khobor toh janaishe. AIIMS PRO Dr Harish Thapliyal para koishe ke, Uttarakhand te black fungus bemar toh 15 COVID-19 bemari manuh logot thurishe aro AIIMS te admnitted hoikena ase. “corona bemar logot melikena Uttarakhand te black fungus bemar toh besi othi-ase aro black fungus othi-thaka te Uttarakhand te 1st manuh mora khobor toh AIIMS Rishikesh te paishe,” koikena AIIMS PRO para koishe. Tai aro koishe, bemari 5 jun toh Haridwar district laga manuh khan ase. “AIIMS te black fungus bemar para mora manuh toh COVID-19 bemari hoikena olop din akhe Dehradun para AIIMS te loikena aha thakishe. Tai logot test besi lowa beche black fungus bemar toh thurishe,” Dr Harish Thapliyal para janaishe. PRO khobor hesab te, AIIMS Rishikesh te etu samai dosura bemar manuh logot be symptoms suspect kora nemite tested korishe aro 15 bemar manuh logot black fungus thurishe. “etu 15 cases pithor te 12 bemar manuh toh Uttarakhand para ase, 5 jun toh Haridwar, 4 jun Dehradun aro Kashipur para 1 jun aro Udham Singh Nagar Almora para be 1 jun manuh ase koishe. Tai para aro koishe, etu bemari nemite 10 jun manuh ke surgery korikena ase. Union Health Ministry hesab te, Uttarakhand te 79,379 active coronavirus cases ase aro etu virus bemar para 4,426 manuh morikena ase. Union Health Ministry para janaishe ke, Mucormycosis or black fungus toh fungal infection para howa ase. Manuh khan ke hawa te fungal spores lakai nemite mucormycosis bemar hoi. Etu bemar toh hath katai nahoile scrape, burn aro dosura skin trauma para fungus toh skin pithor te homai jai koikena janaishe.
Uttarakhand te black fungus para manuh mora 1st khobor
