Uttarakhand te ‘Char Dham Yatra’ Suspends hoishe

Dehradun (Uttarakhand): India te COVID-19 cases besi othi-thaka nemite, Thursday din Uttarakhand government para etu saal Char Dham Yatra toh suspended korishe, etu yatra toh May 14 darik para soruh hoboli thakishe. Chief Minister Tirath Singh Rawat para koishe ke, 4 temples te kali priests khan para rituals aro puja koribo. “Uttarakhand government para etu saal laga Char Dham Yatra toh state laga COVID-19 halat saikena suspended korishe, 4 temples te kali priests khan para aro rituals puju koribo,” koikena Mr Rawat para janaishe. Chief Minister para koishe ke, state te coronavirus bemari toh besi othi-thaka nemite fesla toh meeting samai loishe. 4 pilgrimage jaga toh Uttarakhand te Badrinath, Kedarnath, Yamunotri aro Gangotri ase. Uttarakhand te Wednesday din dak notun COVID-19 cases toh 6,054 hoikena ase aro108  manuh morikena ase. Itya dak te State te 45,383 active COVID-19 ase aro 1,17,221 manuh khan bemari bhal hoikena ase, etu khobor toh state health department para junaishe.