Uttarakhand te June 29 dak Covid Lockdown

Dehradun: Sunday din te Uttarakhand government para state te Covid lockdown toh aro ek hafta nemite June 22 darik para aro othaboli fesla loishe. Etu Covid lockdown thaka samai restaurants, bars toh half capacities te kuliboli koishe. Fesla lowa pithor te chardham yatra toh locals khan nemite July 1 darik para kulibo aro dosura state manuh khan nemite July 11 darik para kulibo, koikena etu khobor toh Cabinet minister & state government’s official spokesperson Subodh Uniyal para junaishe. Etu samai pilgrims khan nemite negative RT-PCR or Rapid Antigen test report toh compulsory thakibo. “Chamoli district laga manuh khan para Badrinath temple toh July 1 darik para visit koriboli paribo aro tai khan para RT-PCR or Rapid Antigen test negative report toh thakiboli lage,” tai para aro janaishe. “etu neshina Rudraprayag aro Uttarkashi districts manuh nemite tai khan para be Kedarnath, Gangotri aro Yamunotri temples toh visit koriboli paribo, etu samai negative RT-PCR or Rapid Antigen test report lakibo,: koikena minister para koishe. Yatra toh state manuh nemite July 11 darik para etu eke hoshari neum te kuli thibo, tai koishe. State government para chardham yatra toh locals khan nemite last week te kuliboli fesla loishe, hoilebi Covid halat toh saikena fesla toh aro wabas korishe. Covid curfew June 22 para 29 dak aro othabli fesla kora toh konuba important relaxations nemite Chief Minister Tirath Singh Rawat para meeting thakishe, koikena Mr Uniyal para koishe. Itya samai laga lockdown toh state te June 22 daik 6 am te kotom hoboli thakishe. Uttarakhand te 4 sobse famous Himalayan temples toh May moina te daily prayers nemite kulishe, hoilebi pilgrims khan nemite aro kula nai. State laga manuh nemite aro dosura state para aha manuh nemite negative RT-PCR or Rapid Antigen test report toh compulsory thakibo, Mr Uniyal para janaishe. General stores aro groceries toh 5 din nemite kula thakibo aro hotai Saturday aro Sunday din te bondh koribo. Hotels, restaurants aro bars te 50 per cent capacity te 10 pm dak kula thakibo. Government, semi-government aro private offices toh be 50 per cent capacity te kulibo. Hoilebi, essential services nemite offices toh full capacity te kam koriboli koishe.