June 10, 2021. Uttarakhand Police para online scam ekta te foreign links thaka thurishe koishe. Etu scam te desh pura te 5 lakh manuh laga poisa sob melaikena Rs 350 crore neshina nokson hoikena ase, koikena Thursday din officials para janaishe . Etu connection te Noida para 1 jun manuh ke thurishe koishe. Etu case investigate koriboli nemite Police para Central Bureau of Investigation (CBI), Intelligence Bureau (IB) aro Enforcement Directorate (ED) logot motob mangkishe, koikena Director General of Police (DGP) Ashok Kumar para khobor toh janaishe.
Etu fraudsters khan para manuh khan logot tuka toh ekta online app called, ‘Power Bank” koikena May 12 darik dak Google Play Store te thakishe. Officer para koishe ke etu te tai khan para alag-alag schemes te investment korikena offer bhal besi dey thakishe. Etu app jowa te alag-alag scheme te poisa deposit korikena foreign countries te ryptocurrency hoi koishe. Etu syndicate toh China para scamsters group ekta para run kori thakishe, koikena preliminary inquiry hesab te janishe. Etu scam laga connection te, Pawan Kumar Pandey ke Monday din Noida”s Sector 99 te thurishe. Special Task Force (STF) khan para 19 laptops, 5 mobile phones aro 592 SIM cards toh etu manuh laga hath para paishe. Uttarakhand laga alag-alag jaga para etu app nemite 25 complaints neshina police logot paishe, koikena Ajay Singh, Senior Superintendent of Police (STF) para koishe aro etu nemite cases toh aro saikena jai ase. Investigation soruh howa toh hoile Haridwar district te tui(2) jun manuh para online app nemite complained paishe, etu samai tai khan para Rs 1.5 lakh neshina invest korikena ase, Singh para aro janaishe.
Add Comment