Barabanki, December 11, 2025: Police para wedensday teh koishe ki ekta clinic kun toh thik kagos bei nathakenei kholai ne thakei she. Tateh laga malik aro tai laga nephew, tai jun ekta maiki laga opor teh operation kurei she koishe. Aro tai jun Youtube video sai kena operation kureishe. Aro utu maiki toh murei jai she koishe. Kothi police station laga area te ase koishe clinic toh.
Dangor officials khan para koishe ki maiki murei lagan am toh Munisha Rawat ase koishe. Aro tai laga mota lagan am toh Tehbahadur Rawat ase koishe. Maiki toh pathor laga bemar thaki ne aheishe koishe. Aro December 5 teh tai laga mota para tai ke Shri Damodar Aushdhalaya Clinic teh aniseshe koisha. Aro utu clinic laga malik toh Gyan Prakash Mishra ase koishe. Aro tai para koishe ki maiki toh pathor karne tai laga pet toh bekha ase. Aro operation kurebole lagebo. Aro operation toh Rs 25,000 hobo koishe.
Maiki laga mota para koishe ki Mishra misa lagei ne thakeshe operation shuru kurebole thakei homoi teh. Aro tai youtube video ekta sa piche teh operation toh shuru kureshe. Aro tai para koishe ki Mishra para tai laga maiki laga pet katei homoi teh khun ruse beshi katei deshe. Aro utu sham teh tai laga maiki toh mure jaishe. Tai laga mota para ekta case file kurei desha. Aro etia police khan Mishra aro tailaga nephew ke besarei ase.
Tuesday teh kothi Community Health Centre superintendent, Sanjeev Kumar para order de she ki utu clinic toh bon kure debole.
Add Comment