Lucknow, 12 March 2025: Police khan 43 saal Uzbek maiki laka dead body paishey hotel te Lucknow te Tuesday din te, officials pra koishey. Maiki toh Egamberdieva Zebo nam koi ase, Uzbekistan laka manu. Police laka hisap pra, maiki toh Room no. 109 te bhui thaki shey hotel laka March 2 pra. Satnam Singh, Delhi laka manu kun tai lokot hotel te bhui thaki shey. Hoileh b tai march 5 te olai jaishey, Zebo ke ekla chari dishey room te. Tuesday din te, hotel staff khan tai laka room te gusi shey tai calls toh jawab nadia karne. Room te gusa pichideh, hotel staff khan maiki toh hosh Natha kina paishey aro police khan ke janai dishey. Police pra statement te koishey, Khobor pai kina, police team hotel te jaishey aro maiki toh jawab dibo napara halat te thaki shey. Taike joldi hospital te loi jaishey Ram Manohar Lohia laka, tadeh doctors khan taike muri shey koishey.
Police khan Zebo laka body custody loishey aro post-mortem nimite phatai dishey. Legal proceedings khan jai ase kina muri shey jani pabo leh, Police pra koishey.
Add Comment