Madrid: Copa del Rey final clash nimite Valencia toh Barcelona khilaf te match khelibole ase. Valencia toh Real Betis khilaf te 1-0 goal mari kena Copa del Rey laga final match te pungchishe. Valencia toh Real Betis khilaf te second-leg te 1-0 mari kena semi-finals toh jeetishe. Etu match toh Mestalla te hoishe.
Marcelino para Spanish television te koishe ami khan etu season te bishi duk paishe aro team toh etu reward toh deserve kure. Ami khan toh bishi dikdar samay lok paishe.
Ami khan toh etu dekhi thaka results para bhi bhal deserve kure. Ami khan laga results te bishi draws ase aro komti defeat ase. Ami khan toh hodai competitive ase.
Loan te thaka Paris Saint-Germain forward Jese Rodriguez toh Betis nimite ekta zaruri goal mari dibole thakishe. Etu goal toh interval time laga olop he agote ahibole thakishe. Hoile bhi Valencia goalkeeper Jaume Domenech para ball toh goal te jabole diya nai.
Marcelino laga Valencia toh 56th minute te goal mari dishe.
Wednesday din te Barcelona toh Real Madrid khilaf te 3-0 para jeetishe. Judi Barcelona toh etu match jeetile tai khan Copa del Rey toh fifth successive bar jeetibole ase. Barcelona aro Real Madrid toh char din pichete aro ekta Clasico match te khelibole ase.
Add Comment