New Delhi, 1 April : Indian mahila laga hockey laga ekta dangor naam, Vandana Katariya, international hockey para retirement announce kori dise, aru tai laga extraordinary career 15 saal upor cholikena ajikali khotom hoise. 320 ta international match aru 158 ta goal mari kina, Vandana India mahila laga hockey laga sab te besi match kheli thaka khiladi hoikena retire hoise. Kintu itu sob number upor te, tai ekta inspiration chari jaise—ekta kahani jun resilience, determination aru India mahila laga hockey ke aage loijabo laga iccha para bhori thaka ase.
32 saal laga forward Vandana, 2009 te senior team te debut kori thakise, aru tai Indian hockey laga anek dangor moment te hisa loise. Tai Tokyo 2020 Olympics te India laga historic fourth-place finish te dangor role loise, aru Olympics te hat-trick mari thaka prothom aru ekla Indian mahila hoise.
Retirement announce kori thaka somoy, Vandana, jun laga last match Bhubaneswar te FIH Pro League 2024-25 laga February leg te hoise, tai laga mixed emotions share kori dise.
Haridwar laga Roshnabad para ahibo thaka Vandana, anek Indian mahila majote nijor sapna anibo nimite dusty field te khelibole shuru kori thakise. Kintu tai dukh paisa situation ke harai kina India ke world laga sab te dangor hockey arena te represent kori dise—duita Olympic Games (Rio 2016, Tokyo 2020), duita mahila laga Hockey World Cup (2018, 2022), tinta Commonwealth Games (2014, 2018, 2022), aru tinta Asian Games (2014, 2018, 2022).
Tai laga contribution India laga world hockey te uthaibo te huge role loise. Tai India nimite Mahila Asian Champions Trophy (2016, 2023) aru FIH Hockey Mahila laga Nations Cup (2022) te Gold medal, Asian Games 2018, Mahila Asian Champions Trophy Japan 2013 aru Donghae 2018 te Silver medal, aru Commonwealth Games 2022, Asian Games 2014 aru 2022, aru FIH Hockey Pro League 2021-22 te Bronze medal jitibo te dangor role loise.
Tai 2013 Junior World Cup te Bronze medal jiti thaka India laga team te top scorer thakise, aru tournament laga third-highest goal scorer hoise.
Apart from itu sob achievements, Vandana laga Tokyo Olympics performance hamesha yaad thakibo. South Africa upor 4-3 laga crucial victory te hat-trick mari kina India ke quarterfinal te anidise, aru tai laga help te India best-ever fourth place te Olympics te finish kori dise.
Tai laga contribution nimite, Vandana India laga dangor award khan pai dise, juntu majote Arjuna Award (2021), Padma Shri (2022) thakise. Tai Hockey India Balbir Singh Sr. Award for Player of the Year (2014), Hockey India Presidents Award (2021), aru Hockey India Dhanraj Pillay Award for Forward of the Year (2021, 2022) bhi jitise, aru tai India laga sab te best forward majote ekjon hoise buli prove kori dise.
Tai career te India ke anek dangor success loijai dise, aru tai laga naam hamesha Indian mahila laga hockey te golden letters te likha thakibo.
Add Comment